MAGAZETI YA LEO

TOA MAONI YAKO HAPA CHINI

PROFESSA KIKWETE KIDONGO CHEKUNDU KESHO

Na Mwandishi wetu_MAELEZO-Dar es salaam

Rais wa Jamhuri ya Muungano wa Tanzania Mhe. Profesa Jakaya Mrisho Kikwete anatarajiwa kuwa mgeni rasmi katika sherehe za uzinduzi wa ujenzi wa kituo cha michezo katika eneo la Kidongo Chekundi jijini Dar es salaam.

Kituo cha michezo kinajengwa kwa ufadhili wa Klabu ya Sunderland kwa kushirikiana na Symbion Power na Serikali ya Tanzania.

Shehere hizo zinatarajiwa kesho asubuhi (Jumamosi tarehe 1 Novemba 2014) kuanzia majira ya saa mbili asubuhi.

Kwa mijbu wa taarifa iliyotolewa leo jijini Dar es salaam na Mwakilishi wa Symbion nchini Julie Foster , sherehe hizo pia zitahudhuriwa na Waziri wa Habari , Vijana , Utamaduni na Michezo Dkt. Fenella E. Mukangara, Afisa Mtendaji Mkuu wa Klabu ya Sunderland ya Nchini Uingereza Bi. Margaret Byrne na Afisa Mtendaji Mkuu wa Symbion Power Bw. Paul Hinks

Taarifa hiyo imeongeza kuwa pamoja na uzinduzi wa ujenzi huo Rais Kikwete atapanda mti kwenye eneo hilo, akisaidiwa na Afisa Mtendaji Mkuu wa Sunderland AFC Bi. Byrne, Mkurugenzi wa Biasharawa klabu hiyo Gary Hutchinson, na Afisa Mtendaji Mkuu wa Symbion Power Bw. Hinks.(P.T)

Klabu ya Ligi Kuu ya Uingereza ya Barclays, Sunderland AFC inatoa usaidizi wa kiufundi na utendaji katika uendelezaji wa mradi wa mpira wa miguu, ambao ni wa kwanza na wa aina yake nchini humu, utakaohakikisha maelfu ya vijana wananufaika kutokana na mtazamo wa pamoja wa kuchanganya mpira wa miguu, elimu na ushiriki wa jamii, ili kupata ujuzi na utaalam wa Sunderland AFC.

MWISHO

Kwa ufafanuzi zaidi wasiliana na

Julie Foster

0787365495

TOA MAONI YAKO HAPA CHINI

LEO LEO Basi la Simba Mtoto lagongana uso kwa uso na lori Daraja la Wami leo.

*Basi la Simba mtoto linalofanya safari zake kati ya Dar na Tanga likiwa limegongana uso kwa uso na Lori la mizigo katikati ya Daraja la Mto Wami mkoani Pwani,dereva wa lori hilo amefariki papo hapo na wengine kujeruhiwa.tutaendelea kupeana taarifa zaidi hapo baadae.* *Baadhi ya wasamaria wema wakijaribu kumchomoa Dereva wa Lori hilo aliyekuwa amebanwa vibaya,pichani ambalo namba zake za usajili hazikufahamika mara moja.*
TOA MAONI YAKO HAPA CHINI

KOCHA WA SIMBA ASEMA ATASHINDA JUMAMOSI BILA SHIDA

Rais wa timu ya Lipuli Jesca Msavatavangu (mwenye kapelo) akisalimia na kikosi cha Lipuli kabla ya kuanza kwa mechi ya kirafiki dhidi ya Simba SC ya Dar es Salaam jana katika uwanja wa samora mjini Iringa, ambapo Simba ilishinda goli 1 kwa nunge. (Picha na Friday Simbaya)(MM)

Na Friday Simbaya, Iringa

Timu  ya Simba ambayo inajiandaa na mchezo wa ligi kuu Tanzania bara dhidi ya Mtibwa Suger ya Mkoani Morogoro,  siku ya Jumamosi  imeonja ladha ya ushindi  baada ya kuifunga timu ya Lipuli (Wanapaluhenge)  ya mkoani Iringa ambayo ipo kwenye maandalizi ya mechi ya ligi daraja la kwanza dhidi ya Kimondo Fc ya Mkoani Mbeya.

Mchezo huo ulimalizika kwa timu ya Simba kuibuka na ushindi mwembamba wa goli moja kwa nunge, mchezo ambao ulichezwa kwenye uwanja wa Kumbukumbu Samora mjini Iringa.

Timu ya Simba  ambayo imeshuka dimbani  mara  tano kwenye ligi kuu Tanzania Bara msimu huu na kutoka sare michezo yote huku ikiwa imefunga goli tano na kufungwa  idadi hiyo, inashika nafasi ya tisa kwenye msimamo wa ligi hiyo.

Kocha wa timu ya SIMBA Mzambia  Patrick Phiri, aliutumia mchezo wa jana kama maandalizi,huku akiwatumia wachezaji wengi wa kikosi cha vijana cha  timu hiyo.

Timu ya SIMBA ilianza mchezo taratibu na kuifanya timu ya Lipuli kutawala kipindi cha kwanza ambapo hadi mapumziko timu hizo zilikuwa hazijafungana.

Kipindi cha pili Simba walionekana kubadilila na kuanza kulishambulia kwa kasi lango la lipuli hatimaye ilifanikiwa kupata goli ambalo lilifungwa na mshambuliaji hatari Elias Maguli ambae alitumia makosa ya mabeki wa Lipuli waliochelea kuondoa mpira kwenye eneo lao la hatari.

Kuingia kwa bao hilo kuliufanya mchezo kuchangamka huku timu zote zikishambuliana kwa zamu lakini mpaka mwisho wa mchezo Simba waliibuka kifua mbele.

Baada ya kumalizika kwa mechi hiyo kocha mkuu wa Wekundu wa msimbazi akiongea na Waandishi wa habari alitamba kuibuka na ushindi kwenye mechi dhidi ya Mtibwa akisema vijana wake wameahidi kushinda mchezo huo.

Kuhusu kupewa mechi mbili na uongozi wa timu hiyo kocha uyo alisema yeye kwa sasa anaangalia namna ya kushinda michezo yote iliyobaki.

Pia kocha huyo aliimwagia sifa timu ya Lipuli na kusema ni timu nzuri na wametoa upinzani mkali kwa vijana wake.

Kwa upande wake Rais wa timu ya Lipuli Jesca Msavatavangu alisema vijana wake walicheza vizuri huku wakionekana kucheza kwa hali na mali, hivyo kutoa burudani kwa wakazi wa Mjini Iringa na viunga vyake.

Msavatavangu alisema hiyo ilikuwa ni nafasi kwa vijana wake kuonekana kwa wakazi wa Iringa ikiwa ni pamoja na kuonyesha kiwango cha soka, kwa kucheza na timu kubwa zinazoshiriki ligi kuu.

TOA MAONI YAKO HAPA CHINI

MAPOROMOKO YA UDONGO YAUA 10 SRI LANKA

Wananchi wakishuhudia baadhi ya nyumba zilizofunikwa na maporomoko hayo.

WATU 10 wamepoteza maisha huku zaidi ya 300 wakiwa hawajulikani walipo baada ya kutokea maporomoko ya udongo katikati mwa nchi ya Sri Lanka leo.

Maporomoko hayo yametokea kufuatia kunyesha kwa mvua kubwa ambapo takribani nyumba 140 zimefunikwa na udongo katika Wilaya ya Badulla.
Msemaji wa Kitengo cha Kukabiliana na Maafa nchini humo, Sarath Kumara amethibitisha taarifa hizo.

Vyombo mbalimbali vya uokoaji vipo eneo la tukio kujaribu kuokoa majeruhi wa tukio hilo.

Maporomoko hayo pia yamelikumba shamba kubwa la chai la Meeriyabedda lililopo karibu na mji wa Haldummulla, uliopo kilomita 200 (maili 120) mashariki mwa mji mkuu Colombo.(P.T)

TOA MAONI YAKO HAPA CHINI

KAMBANGWA WAENDELEA KUNUFAIKA NA MRADI WA KOMPYUTA WA VODACOM

Wanafunzi wa kidato cha pili katika shule ya sekondari yaKambangwa iliyopo Kinondoni jijini Dar esSalaam,wakioneshwa na Meneja miradi na Mawasiliano wa Vodacom Foundation Renatus Rwehikiza moja ya progamu zinazopatikana katika Kompyuta zinazowawezesha kupata taarifa ya masomo mbalimbali kwa njia ya mtandao wakati alipotembelea shuleni hapo kwa ajili ya kujua maendeleo ya mradi wa TEHAMA uliofadhiliwa na Vodacom Foundation kwa kushirikiana na Kampuni ya Samsung.Zaidi yawanafunzi elfu tano wa shule nne za sekondari jijini wanaendelea kunufaika na mradi huo.

Mwalimu Mkuu wa Shule ya sekondari ya Kambangwa iliyopo Kinondoni jijini Dar es Salaam Theresia Ng’wigulu (kulia) Meneja miradi na Mawasiliano wa Vodacom Foundation Renatus Rwehikiza (kushoto ) pamoja na Meneja uhusiano wa umma wa Vodacom Tanzania Matina Nkurlu (katikati) wakimsikiliza mmoja wa wanafunzi wa kidato cha pili katika shule ya sekondari ya Kambangwa, Matha Galusaki akielezea jinsi anavyoweza kupata taarifa za masomo mbalimbali kwa njia ya mtandao, wakati walipotembelewa na maofisa wa Vodacom shuleni hapo kujua maendeleo ya mradiwa TEHAMA  uliofadhiliwa na Vodacom Foundation kwa kushirikiana na Samsung. Zaidi ya wanafunzi elfu tano wa shule nne za sekondari jijini wanaendelea kunufaika na mradi huo.(P.T)

Baadhi ya Wanafunzi wa kidato cha pili katika shule ya sekondari ya Kambangwa iliyopo Kinondoni jijini Dar es Salaam na Mwalimu Mkuu wa shule hiyo Theresia Ng’wigulu watatu toka kulia pamoja na maofisa wa Vodacom Tanzania, Matina Nkurlu wa kwanza kushoto na Renatus Rwehikiza (kulia) wakimsikiliza Mwalimu wa somo la kompyuta wa kidato cha pili Nicolas Wilson wa shule hiyo akiwafafanulia jambo kuhusiana na elimu ya mafunzo ya kompyuta wakati walipotembelewa na maofisa hao kujua maendeleo ya mradi wa TEHAMA  uliofadhiliwana Vodacom Foundation  kwa kushirikiana na Kampuni ya Samsung. Zaidi ya wanafunzi elfu tano wa shule nne za sekondari jijini wanaendelea kunufaika na mradi huo.

TOA MAONI YAKO HAPA CHINI

HUYU NDIE MKAPA ANAEMTAKA AWE RAIS BAADA YA JK?

Rais Msaafu Mzee Mkapa atoa ya Moyoni kuhusu Rais Ajaye.
Mwisho wa Siku Wenye Busara Hujiuliza Ni Nani Anakubalika? - Benjamin William Mkapa
Salaam;
Kama kawaida yake Rais Jasiri na asiyemumunya maneno leo kazungumza mengi sana wakati akihojiwa na Runinga ya Citizen kwa njia ya simu.Rais Msataafu Benjamin Mkapa alikuwa akihojiwa juu ya kifo cha Rais wa Zambia Hayati Michael Chilufya Satta aliyefariki leo huko jijini London.
Mkapa alisema namnukuu "Satta hakuitwa King Cobra kimakosa alistahili kutokana na uwezo wake ama wa kimaamuzi au wa kimsimamo. I am very sure that Zambians and we as African Nations will always remember Mr. Satta. Satta was always there for his people and our Continent at large. He said and stand for what he believed to be true and achievable; hesitation was never a good term to Satta.
So the pain I (We) faced when we lost Mzee Nyerere, Mzee Nkhurumah, Mzee Mandela, Mzee Kenyatta is the same we are facing today when we talk about Mr. Satta (Suffice it to say that we lost another hero in our Continent) May His Soul Rest in Eternal Peace.........."
Baada ya salaam hizo mwandishi alimuuliza Mhe. Mkapa vipi siasa zetu Afrika kama Rais mstaafu anaziona je?
Mkapa; Kawaida na sina kubwa la kusema japo kuna mengi yanatokea mengine ya hovyo mathalan waafrika wazee wetu walipigania sana ukombozi wetu ila nadhani wengi bado wana matatizo na wanahitaji kukombolewa kifikra manake kuna wenzetu wanatumika pasipo kujua na kusababishia Nchi zao kuingia ktk matatizo kama vita na wengi wao wameanza kujuta.
Hivyo ni lazma ifikie mahali watu waweze kujitambua na kujua ni yepi malengo mema kwa Bara letu ni yepi tunashinizwa......
Mwandishi kaendele kumuuliza Mhe. Rais Mstaafu Nchi yako mapema mwakani mnatazamia kufanya uchaguzi na mengi yamesikika hasa kwa wanaojitokeza na wengine kupewa adhabu kama Mwenyekiti wa CCM Mstaafu una lipi la kusema manake hata Mwl. Nyerere naye nyakati kama hizi hakusita kusema neno....
Mkapa; (Kicheko) nachelea kupata jibu sahihi ila niseme CCM ni Chama kikongwe na kina hazina kubwa ya kutosha. Na Katiba ya Chama chetu inaelezea kuhusu dhumuni ya Chama chetu kubwa ikiwa ni kuhakikisha tunakamata dola kuanzia Serikali za mitaa mpaka Serikali kuu.Sasa swali ni kwamva dola inakamatwa je?
Chama kama chama lazma muwe mtu anayeuzika na kukubalika ktk jamii kwa utendaji wake, haiba yake, wasifu wake (ndani ya chama na serikali) lakini vile vile ushawishi wake......Haya mambo ya umri na kadhalika sisi hatukutazama wakati huo ila si dhambi Vijana wakijitokeza manake hata wakati wangu Rais wa Sasa Mhe. Kikwete na kina Lowassa walijitokeza na leo unaona Kikwete ndiye Rais.
Wakati wangu Viongozi wenzangu wengi walihisi na kuamini kuwa sikuwa namuunga n mkono lakini mwandishi nataka nikuhakikishie hata kama mimi Ben Mkapa siko na Kikwete mwisho wa siku Wananchama ndio watakaosema wewe humtaki ila sisi tuachie huyo huyo......
Na hayo yalijitokeza mwaka 2005 Watu walimtaka Mhe. Kikwete sasa mimi kuwa Mwenyekiti wa Chama hakunipi Mandate ya kushindana na walio wengi na mliona alishinda kwa asilimia kubwa kweli kweli.Hivyo CCM ina taratibu zake na wanajua nani anafaa manake siasa hizi tuhuma zingine za kipuuzi kweli kweli sasa mkiendekeza tuhuma mwishowe mnakuta mnabaki bila chama na kwenye Siasa mkianza kutuhumiana hakuna wa kusimama....
Hivyo binafsi naamini Chama kitapata mtu safi na mwenye nguvu yai kukisaidia Chama na serikali na kuendeleza yale aliyoyaacha Mhe. Kikwete hakuna Chama duniani ambacho kinaona kabisa flani atatuvusha halafu kimwache hakuna manake huko ni kukiua Chama.Hivyo hata sisi vyombo vyetu vya ndani vilikuwa vinatueleza kabisa kwamba flani yuko vizuri sana ila labda kuna haka katatizo sasa hako katatizo tunakafanyia kazi kwa maslahi ya chama ya kwa maslahi ya huyo ajaye. Naamini ndivyo ilivyo hata mpaka sasa tafiti zimefanyika na naamini wamesikia watu wakisema wanamtaka nani na wakati wangu mimi Mgombea alikuwa amaeshatungiwa nyimbo na watu mbali mbali wenye mapenzi naye. Hivyo labda hata sasa yaweza kuwa hivyo....Waswahili walisema nyota njema huonekana asubuhi.
Nimalizie kama nilivyosema ukongwe wa CCM na viongozi wake naamini watapata mtu bora na mwenye nia njema na Taifa hili.....
Mwandishi Mhe. Mkapa katika waliotajwa naamini yupo mmona ama wawili ambao umeona wanaweza ama viatu vyako ama vya Mwinyi au vya Mwalimu au vya Mhe. Kikwete shirikiana nasi Mhe......
Mkapa (Kicheko) Hapa kwetu kuna kamati ya maadili (Mwandishi Kicheko) Mkapa anaendele mimi na wenzangu sasa Kikatiba ni wazee washauri hivyo Vikao vya Chama ndivyo vitakavyotuongoza......... Baada ya hapo nasi tunaenda na huyo huyo
Mhe. Mkapa naomba nikuulize swali la mwisho tumepata kusikia kumetokea muunganiko wa Vyama huko Tanzania kama hapa Kenya hilo unaliona je??
Mkapa; Sijajua sera zao na makubalinao yao yakoje na bado sijaelewa kama muungano ww COARD na JUBILEE twaweza kuufananisha na huu....... Otherwise I'd like to wish them all the best.....Mwandishi (Kicheko)
Nakushukuru sana Mhe. Mkapa kwa muda wako na tunakutakia afya njema..
Mkapa; Ahsante sana

TOA MAONI YAKO HAPA CHINI